December 1, 2022

मालिका समाचार

देशकाे ऐना

निर्वाचन सुरक्षा : बाहिरी जिल्लाका लागि उपत्यकाबाट १२ हजार प्रहरी परिचालन

विज्ञापन
Tikapur sana shari khanepani tatha sarsafai sansta

काठमाडौं । निर्वाचन सुरक्षाका लागि काठमाडौं उपत्यकाबाट बाहिरी जिल्लामा १२ हजार प्रहरी परिचालन गरिएको छ ।

प्रहरी प्रधान कार्यालयले मंसिर ४ गते हुने संघ र प्रदेशसभा निर्वाचनका लागि आजबाट बाहिरी जिल्लामा ११ हजार ९ सय ६१ जना प्रहरी परिचालन गरेको हो ।

विज्ञापन
विज्ञापन

केन्द्रीय प्रवक्ता एवम् डीआईजी टेकप्रसाद राईले प्रहरी हेडक्वाटर र काठमाडौं उपत्यकामा रहेका विभिन्न युनिटहरूबाट ती प्रहरी खटाइएको जानकारी दिए । काठमाडौं उपत्यकाबाट सबैभन्दा बढी ३ हजार ८ सय २ जना प्रहरी मधेश प्रदेशमा जाने प्रवक्ता राईले बताए ।

मंसिर ४ गते एकै चरणमा हुने प्रतिनिधिसभा तथा प्रदेशसभा निर्वाचनको सुरक्षाका लागि प्रहरी प्रधान कार्यालयले सुरक्षा व्यवस्थापनका लागि प्रहरीहरु १२ दिन अघिनै जिल्ला पठाउन सुरु गरेको हो ।

निर्वाचन सुरक्षाका लागि यसअघि नै एक लाख म्यादी प्रहरी परिचालन भइसकेका छन्। मतदान केन्द्रको सुरक्षामा म्यादी प्रहरी र नेपाल प्रहरी परिचालन हुनेछन्। त्यसभन्दा बाहिर राष्ट्रिय अनुसन्धान विभाग, सशस्त्र प्रहरी बल र नेपाल आर्मी परिचालन हुने छ ।