स्कुल सञ्चालक दुई करोड ७५ लाख ठगी आरोपमा पक्राउ
माघ ,११
ठगी गरेको आरोपमा प्रहरीले ओलम्पिया वल्ड स्कूलका सञ्चालक सुरेन्द्र महर्जन र शिरिषलाई पक्राउ गरेको छ।
उनीहरुमाथि कोटेश्वरमा रहेको दुई रोपनी १४ आना जग्गा बिक्रीका लागि रु दुई करोड ७५ लाख बैना लिएर जग्गा नदिई रकम ठगी गरेको आरोप छ।
शनिबार काठमाडौंमा उनीहरूलाई पक्राउ गरेको प्रहरीले जानकारी दिएको छ।
पीडितलाई बैना रकमसमेत फिर्ता नगरेपछि ठगी मुद्दामा परेको उजुरीका आधारमा उनीहरुलाई पक्राउ गरिएको महानगरीय प्रहरी परिषदका प्रवक्ता प्रमेश विष्टले जानकारी दिए।
उक्त जग्गा अन्य बैंकमा रोक्का रहेको अवस्थामा ठगी गर्ने उद्देश्यले नै बैना गरेको पाइएको प्रहरी नायब उपरीक्षक विष्टले जनाइएको छ।
घटनामा संलग्न रहेका अन्य चार जना फरार रहेको र उनीहरुको खोजी जारी रहेको जानकारी दिएको छ।
उनीहरुविरुद्ध गत वर्षको फागुनमै उजुरी परे पनि आवश्यक अनुसन्धान प्रक्रिया पूरा गरी पक्राउ गरिएको प्रहरीले जनाएको छ।
