८ वटा मुद्दाका अभियुक्तले पूर्वराजाको भान्जा भन्दै ठगे सवा करोड
‘आफूलाई पूर्वराजा ज्ञानेन्द्रको भान्जा भनेर चिनाउने र पारस शाहकी छोरीको इन्गेजमेन्ट हुँदैछ भनेर विश्वासमा पारेर समेत ठगी गरेको देखिएको छ,’ एक अनुसन्धान अधिकृत भन्छन् ।
२७ फागनु, काठमाडौं । पूर्वराजाका भान्जा बताउँदै सवा करोड रुपैयाँभन्दा बढी ठगेको आरोपमा प्रहरीले चार जनाको समूहलाई पक्राउ गरी अनुसन्धान अघि बढाएको छ ।
आफूलाई पूर्वराजा ज्ञानेन्द्र शाहको भान्जा बताउने काठमाडौं महानगरपालिका-२७ का ५३ वर्षीय अनुप सिंहसहित चार जनामाथि जिल्ला प्रहरी परिसर ललितपुरले अनुसन्धान गरिरहेको छ । परिसरका एसएसपी श्यामकृष्ण अधिकारीकाअनुसार उनीहरूमाथि कीर्ते र ठगीको कसुरमा अनुसन्धान भइरहेको छ ।
६ जनाविरुद्ध पक्राउ पुर्जी जारी भए पनि दुई जना भने अझै फरार छन् । प्रहरीले सिंहसँगै उनका सवारी चालक ललितपुरका सचिन व्यञ्जनकार, उनका वकिल इलाम घर भएका प्रकाश खनाल र कलंकीस्थित दिव्यज्योति कन्सल्टेन्सीका प्रबन्ध निर्देशक राजकुमार केसीलाई पक्राउ गरी अनुसन्धान गरिरहेको छ । यो गिरोहसँग ठगीमा सहभागी भएको आरोप लागेका अरू दुई जना भने फरार रहेको प्रहरीको भनाइ छ ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।
ठगीको मुख्य व्यक्ति अनुप सिंह रहेको प्रहरीको भनाइ छ । उनलाई अन्य व्यक्तिहरूले सहयोग गरेको प्रहरीले जनाएको छ । ठगीको रकम वकिलदेखि चालकसम्मको खातामा हाल्न लगाएको प्रहरी अनुसन्धानबाट खुलेको छ ।
एकै महिलाबाट मात्रै ९७ लाख रुपैयाँ ठगी गरेको भन्दै सिंहविरुद्ध जाहेरी परेको छ । दाहाल थरकी एक महिलाले दुई छोरी, एक छोरा र आफूसहित चार जना अमेरिका जाने भन्दै सिंहलाई ९७ लाख रुपैयाँ बुझाएको बताउँदै जाहेरी दिएकी छिन् ।
ती महिलासँग सिंहले आफूलाई नेपाली सेनाको विमान चालक क्याप्टेन बताएको जाहेरीमा उल्लेख छ । विमान चालक क्याप्टेन रहेको भन्दै सिंहले आर्मी पोशाकमा खिचाएको तस्बिर समेत देखाएको दाबी महिलाको छ ।
उच्च पदस्थसँग राम्रो चिनजान भएको भनी विश्वास दिलाएपछि पटकपटक गरी ९७ लाख रुपैयाँ बुझाएको महिलाको भनाइ छ ।
