यो पाँच वर्षमा धेरै गठबन्धन हेर्न पाइन्छ : झलनाथ खनाल
मोरङ । नेकपा एकीकृत समाजवादी पार्टीका सम्मानीत नेता झलनाथ खनालले वर्तमान आठदलीय गठबन्धन लामो समय नटिक्ने संकेत गरेका छन् । बुधबार मोरङको उर्लाबारी आयोजित एक कार्यक्रममा बोल्दै उनले अहिले गठबन्धन कुर्सीका लागिमात्रै बनेको टिप्पणी गरे ।
मंसिर ४ को निर्वाचन तीन महिनामात्रै भएको बताउँदै उनले यही महिनामै तीनवटा समीकरण भइसकेको उनले बताए । नेता खनालले भने, ‘सरकारको समय पाँच वर्ष पुरै बाँकी छ । त्यसैले धेरै गठबन्धन हेर्न बाँकी छ । अहिलेको गठबन्धन कुर्सीकै लागि मात्र भएको देखिन्छ ।’
उनले आफ्नो पार्टी कुरालाई आन्तरिक मामिला भएको बताउँदै भने, ‘हामी आफैँ निर्णय गछौँ । तर, गठबन्धनको श्रृँखलाचाहिँ धेरै आउँछन् ।’
नेकपा माले र नेकपा एमालेले आम जनता र राष्ट्रको आवाज बोलेकाले सशक्त पार्टी निर्माण भएको बताउँदै राष्ट्र र जनता बिर्सिदा पार्टीहरू कमजोर र विभाजन हुने गरेको उनले बताए । उनले एमाले, नेकपा माओवादी, जसपा कोहीसँग पनि पार्टी एकीकरणको सम्भावना नरहेको समेत दावी गरे ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।