टीकापुरमा भारतबाट अवैध रूपमा ल्याइएका १७४ किलो माछा बरामद
कैलाली: कैलालीको टीकापुरमा भारतबाट अवैध रूपमा भित्र्याइएको १७४ किलोग्राम माछा प्रहरीले बरामद गरेको छ। टीकापुर नगरपालिका–९ खक्रौलाबाट तीन जनाले मोटरसाइकलमार्फत ल्याउँदै गरेको माछा नियन्त्रणमा लिइएको हो।
जानकी गाउँपालिका–२ बढरियाका ४० वर्षीय प्रदेशु चौधरीले चलाएको सु.प.प्र.०१०००१२ प ५०५१ नम्बरको मोटरसाइकलबाट ९८ किलोग्राम, टीकापुर नगरपालिका–१ शक्तिनगरका ३४ वर्षीय दिनेश चौधरीले चलाएको से.५ प.८४५७ नम्बरको मोटरसाइकलबाट ३९ किलोग्राम माछा बरामद गरिएको प्रहरीले जनाएको छ।
यसैगरी, एकतानगर शिविरका ४० वर्षीय लक्ष्मण डगौरा थारुले चलाएको सु.प.प्र.०१–००९ प २१३४ नम्बरको मोटरसाइकलबाट ३७ किलोग्राम माछा बरामद गरिएको छ।
बरामद गरिएको माछा सत्ती भन्सार कार्यालयमा बुझाएर भन्सार परिसरमै नष्ट गरिएको कार्यालय प्रमुख चक्रबहादुर सोनीले जानकारी दिएका छन्। घटनामा संलग्न तीनै जनालाई जरिवाना सहित आवश्यक कारबाही गरिएको र प्रयोग गरिएका मोटरसाइकल पनि नियन्त्रणमा लिइएको जनाइएको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।