आन्तरिक उडान ६ महिनापछि सुरु भयो

काठमाडौंबाट उडेको बुद्ध एयरको यु ४६०३ जहाज पहिलोपटक सोमबार बिहान पौने ९ बजे पोखरा विमानस्थलमा अवतरण गरेको थियोे ।५ जना बालबालिकासहित ५६ जना यात्रु लिएर जहाज आएको थियो ।यो कुल सिटको ८० प्रतिशत हो ।

जहाजमा वायुसेवा संचालक संघका पदाधिकारी पनि पोखरा आएका थिए ।उक्त जहाजले पोखरबाट ५७ यात्रु बोकेर काठमाडौं गएको थियो ।

संघका अध्यक्ष रामेश्वर थापाले कोरोना संक्रमणलाई विषेश ध्यान दिई सुरक्षाका आवश्यक सबै उपाय अपनाएर सोमबारदेखि उडान थालिएको बताए । पोखरामा आएको पहिलो उडानका यात्रीले सुरक्षादेखी आवश्यक धैर्यता बटुलेको उनको भनाई थियो ।

त्रिभुवन अन्तर्राष्ट्रिय विमान्स्थलको आन्तरिक टर्मिनमा पनि स्वास्थ्य सावधानी चेकिङको व्यवस्था मिलाएको छ।

वायुसेवा कम्पनीहरुले नियमित सेवा संचालन भएको समयमा पाएको उडान अनुमतिको आधारमा २५ प्रतिशतमात्रै उडान तालिका बनाएर सेवा दिनुपर्ने व्यवस्था गरिएको पनि प्रमुख केसीले जानकारी दिए ।