एमाले र राप्रपा नेपालबीच चुनावी तालमेल हुने, ओली र थापा निरन्तर संवादमा

एमालेले राप्रपा नेपालसँग चुनावी तालमेलबारे टुंगो लगाउन दाहाललाई नै जिम्मेवारी दिएर वार्ता समिति बनाउने तयारी गरेको छ ।
राप्रपा नेपालबाट भने नेता सुशीलकुमार श्रेष्ठलाई वार्ता समितिको संयोजक तोकिएको राप्रपा नेपालका एक नेताले बताए ।

राष्ट्रिय प्रजातन्त्र पार्टी हुँदा प्रभाव रहेको स्थानीय तहमा राप्रपा नेपाल बन्दा पनि उत्तिकै प्रभाव रहेको र एमालेसँग चुनावी तालमेलका लागि छलफल भएको राप्रपाका एक नेताले बताए ।

कमल थापा राष्ट्रिय प्रजातन्त्र पार्टीको अध्यक्षमा पराजित भएपछि पार्टीबाट अलग भएर राप्रपा नेपाल गठन गरेका थिए ।

एमालेको यसअघिको चुनावमा जितेको ठाउँमा राप्रपा नेपालले दाबी नगर्ने प्रारम्भिक सहमति बनेको नेताहरूले बताएका छन् ।

राप्रपा नेपाल नयाँ पार्टी भएकाले पनि धेरै ठाउँमा प्रभाव देखाउन एमालेसँग तालमेल गरेर चुनावमा जाने रणनीति बनाएको छ ।

एमालेविरुद्ध सत्तारूढ ५ दलीय गठबन्धन बन्ने भएपछि एमालेले गठबन्धनमा नरहेका साना दललाई समेटेर चुनावमा जाने रणनीति बनाएको छ ।