August 18, 2022

मालिका समाचार

देशकाे ऐना

बैतडीमा ट्रक दुर्घटना हुँदा एकको ज्यान गयो, पाँच जना घाइते

विज्ञापन
Tikapur sana shari khanepani tatha sarsafai sansta

बैतडी । सुदूर पश्चिम प्रदेशको पहाडी जिल्लाको पाटन नगरपालिकामा ट्रक दुर्घटना हुँदा बैतडीमा एक जनाको ज्यान गएको छ भने पाँच जना घाइते भएका छन् । ज्यान जानेमा सुर्नया गाउँपालिका–३ की २५ वर्षीया दुर्गा चन्द रहेकी इलाका प्रहरी कार्यालय पाटनका प्रमुख, प्रहरी निरीक्षक राजेश शाहीले जानकारी दिए ।

विज्ञापन

गए राति दशरथचन्द राजमार्गअन्तर्गत पाटन नगरपालिका–६ मा से१ख १२४२ नम्बरको मिनी ट्रक दुर्घटनामा परेको थियो । दुर्घटनामा सख्त घाइते चन्दको उपचारका क्रममा डडेल्धुरा अस्पतालमा ज्यान गएको हो ।

दुर्घटनामा सुर्नया गाउँपालिका–३ की ३५ वर्षीया माधवी चन्द, ३५ वर्षीया वसन्ती भट्ट, ३३ वर्षीया कलावती भट्ट, २८ वर्षीया विमला चन्द र २३ वर्षीया पार्वती विष्ट घाइते भएका छन् । माधवी, वसन्ती र कलावतीको डडेल्धुरा अस्पतालमा तथा विमला र पार्वतीको पाटन प्राथमिक स्वास्थ्य केन्द्रमा उपचार भइरहेको छ । पाटनबाट घर पोत्ने रातो माटो लिएर फर्किरहेको मिनी ट्रक सडकको नालीमा पल्टिएको हो । चालक पाटन नगरपालिका–४ का वीरेन्द्र खत्री फरार छन् ।

विज्ञापन