प्रधानमन्त्री देउवा चैत १८ गते भारतको राजकीय भ्रमणमा जाँदै

चिनियाँ विदेशमन्त्री वाङ यीको नेपाल भ्रमण सकिएलगत्तै प्रधानमन्त्री देउवा भारत जान लागेका हुन् । वाङ तीनदिने भ्रमणका लागि भोलि आउँदै छन् ।
प्रधानमन्त्री देउवा राजकीय भ्रमणमा जान लागेका छन् । यसअघि, ‘गुजरात समिट’ मा जाने तयारी गरे पनि कोरोना महामारीका कारण समिट नै रद्द भएपछि देउवाको भ्रमण रोकिएको थियो ।

बालुवाटार स्रोतका अनुसार देउवाले भारत भ्रमणका लागि ‘सक्दो सानो र प्रभावकारी’ टिम बनाउने तयारी गरिरहेका छन् ।

विज्ञापन

परराष्ट्र मन्त्रालयले भने प्रधानमन्त्रीको भ्रमणबारे अनभिज्ञता प्रकट गरेको छ । परराष्ट्रका प्रवक्ता सेवा लम्सालले भनिन्, “भ्रमणबारे अहिलेसम्म मसँग कुनै जानकारी छैन ।”