बाजुरामा हराएकी पाँच युवतीको प्रहरीद्धारा उद्धार
बाजुरा । जिल्लाको बुढीनन्दा नगरपालिकाका विभिन्न वडाबाट हराएकी पाँच युवती फेला परेकी छन् । शुक्रबार दिउँसो घरबाट कोही कसैलाई जानकारी नगराई आफू खुसी घरबाट भागी फरार भएकी पाँच युवती फेला पारेको जिल्ला प्रहरी कार्यालय बाजुराले जनाएको छ ।
फरार हुन लागेकी युवतीहरुका घरबाट उद्धारका लागि प्रहरीलाई जानकारी पश्च्यात प्रहरी चौकी बार्जुगाड तर्फबाट अछामको साँफे बगर जादै गरेको से १ ज ६४८ नम्बरको जिपमा बसेको अवस्थामा फेला पारी नियन्त्रणमा लिएको प्रहरीले बताएको छ ।
बुढीनन्दा नगरपालिका–५ की १६ वर्षीय असिना लुहार, १२ वर्षीया रस्मी लुहार, १३ वर्षीया प्रेङ्का लुहार, २३ वर्षीया शान्ती मल्ल र सोही नगरपालिका–८ की २२ वर्षीया शान्ति शाहीलाई फेला पारी आफन्त नाता पर्ने बुढीनन्दा नगरपालिका–५ बस्ने धर्मजित लुहार र सुस्मिता मल्ललाई सकुशल जिम्मा लगाएर पठाएको जिल्ला प्रहरी कार्यालय बाजुराले जनाएको छ ।
