राजनीति

‘काँग्रेसको अपहेलना सहनुभन्दा एक्लै चुनाव लड्नु बेश’

बिज्ञापन

काठमाडौ । चुनावी तालमेलको प्रक्रिया अघि बढ्दै गर्दा माओवादी केन्द्रका नेताहरु नेपाली काँग्रेसको व्यवहारबाट चिढिन थालेका छन् । यसै क्रममा उनीहरुले काँग्रेसले आफ्नो पार्टीको हैसियतलाई अवमूल्यन गरेका कारण आवश्यकता परे एक्लै चुनावमा होमिन पर्ने निर्देशन कार्यकर्ताहरुलाई दिएका छन् ।

माओवादी नेता हितमान शाक्यले नागार्जुन नगर कमिटीको प्रशिक्षण कार्यक्रमलाई हिजो सम्बोधन गर्दै काँग्रेसको अवहेलना सहेर बस्न नहुने बताएका हुन् । उनले कार्यकर्तालाई सम्बोधन गर्दै भने, ‘गठबन्धनमा नेपाली काँग्रेसबाट धेरै नै अपहेलनाको महसुस भइरहेको छ । यदि सबैले विन विन (सबैको जीत) को अवस्था महसुस नगर्ने हो भने गठबन्धन र तालमेलको कुनै आवश्यकता छैन ।’
शाक्यले त्यसो भनिरहँदा गडगडाहट ताली बजेको सहभागी एक जना कार्यकर्ताले बताए । नेपाली काँग्रेसले जहाँ पनि आफ्नै बर्चश्व कायम राख्न खोजेपछि माओवादी नेता तथा कार्यकर्ताहरु रुष्ट देखिएका हुन् । त्यसैले शाक्यले आफ्नो भनाइको क्रममा भने, ‘ आवश्यक पर्यो भने एक्लै पनि निर्वाचनमा जान सकिन्छ । त्यसो हुँदा सजिलैसँग जित्न सकिन्छ । त्यसको लागि पनि तपाईंहरु तयार रहेर बस्नोस् ।’

बिज्ञापन
बिज्ञापन