लोसपा मधेस प्रदेश संसदीय दलको नेतामा शर्मा सर्वसम्मत

जनकपुरधाम । लोकतान्त्रिक समाजवादी पार्टी (लोसपा) मधेश प्रदेश संसदीय दलको नेतामा अभिराम शर्मा चयन भएका छन् ।

महोत्तरी क्षेत्र नम्बर ३ (१) बाट दोस्रो पटक निर्वाचित शर्मा दलका नेतामा सर्वसम्मत भएका हुन् । मधेसका पूर्व राज्यमन्त्री पनि रहेका उनी पार्टी अध्यक्ष महन्थ ठाकुर निकट मानिन्छन् ।

लोसपा दलका नेताका लागि पार्टीको प्रदेश अध्यक्ष जीतेन्द्र सोनल र सांसद उपेन्द्र महतो पनि आकांक्षी थिए ।

मधेश प्रदेशमा लोसपाको ९ सांसद छन् । लोसपा मधेश प्रदेशमा पनि प्रतिपक्ष रहने भएको छ ।