पहाडी भूभागमा चट्याङसहित हल्का वर्षाको सम्भावना
बिज्ञापन
देशका पहाडी भू–भागका थोरै स्थानमा मेघगर्जन, चट्याङसहित क्षणिक र हल्का वर्षाको सम्भावना रहेको छ ।
बिज्ञापन
मौसम पूर्वानुमान महाशाखाले बुधवार बिहान प्रकाशित गरेको मौसम पूर्वानुमान बुलेटिनमा आवश्यक सतर्कता अपनाउन अनुरोध गरिएको छ ।
बुलेटिनअनुसार बुधवार देशमा स्थानीय वायु तथा पश्चिमी वायुको सामान्य प्रभाव रहेको छ । गण्डकी प्रदेश तथा लुम्बिनी प्रदेशमा सामान्य बदली रही देशका अन्य प्रदेशका पहाडी तथा हिमाली भूभागहरूमा आंशिक बदली र तराई भेगमा मौसम सामान्यतया सफा रहेको जनाइएको छ ।
बुधवार दिउँसो देशका पहाडी भू–भागहरूमा आंशिकदेखि सामान्य बदली तथा बाँकी भू–भागहरूमा आंशिक बदली रहने छ । कोशी प्रदेश लगायत बागमती प्रदेश र गण्डकी प्रदेशका पहाडी भूभागका थोरै स्थानहरूमा अपराह्नतिर मेघगर्जन, चट्याङसहित क्षणिक र हल्का वर्षाको सम्भावना रहेको जनाइएको छ ।
बिज्ञापन
