November 27, 2022

मालिका समाचार

देशकाे ऐना

विप्लवको नेकपालाई निर्वाचन नबिथोल्न सरकारको चेतावनी

विज्ञापन
Tikapur sana shari khanepani tatha sarsafai sansta

नेत्र विक्रम चन्द नेतृत्वको नेपाल कम्युनिस्ट पार्टी नेकपालाई मतदानमा सहभागी गराउनका निम्ति सरकारले वार्ता गरेको छ।

नेपाल सरकार र नेकपाका प्रवक्ता खड्गबहादुर विश्वकर्मासँग त्यस समूहलाई मूलधारको राजनीतिमा ल्याउन वार्ता भएको गृहमन्त्री बालकृष्ण खाणले बताए।

विज्ञापन
विज्ञापन

उनीहरूसँग आफूले आइतबार वार्ता गरेको मन्त्री खाणको भनाइ छ।

मंगलबार रूपन्देहीको तिलोत्तमामा आयोजित कार्यक्रममा सम्बोधन गर्दै जेलमा रहेका त्यस पार्टीका कार्यकर्तालाई प्रक्रिया मिलाएर छोड्ने विषयमा छलफल भएको खाणले बताए।

‘पूर्ववर्ती सरकारले गरेको सम्झौताअनुसार कतिपय बन्दीहरूलाई छोडिसकेकामा अन्यलाई पनि जेलमुक्त गर्न कानुन संशोधनका लागि फाइल कानुन मन्त्रालयमा पठाइसकेका छौँ,’ उनले भने।

नेकपाका कार्यकर्ताले मतदानमा भाग लिन चाहेमा प्रशासनले कुनै धरपकड नगर्ने प्रतिवद्धता खाणले  गरेका छन्।