National Election

सुदूरपश्चिममा प्रतिनिधिसभातर्फ माओवादीलाई ‘चोट’

बिज्ञापन

कैलाली । १६ वटा निर्वाचन क्षेत्र रहेको सुदूरपश्चिम प्रदेशको नतिजामा माओवादी केन्द्रलाई चोट परेको छ । सत्तागठबन्धनमा चार सीट भाग पाएको माओवादी  तीन ठाउँ पराजित भइसकेको छ । गणना जारी रहेको एक क्षेत्रमा भारी मतले पछाडि छ ।

माओवादीले कैलाली २ र ३ कञ्चनपुर १ र बैतडीमा उम्मेदवारी दिएको थियो । कैलाली २ बाहेक सबै तीनवटै क्षेत्रको परिणाम आइसकेको छ । कैलाली २ मा ४० हजार गणना हुँदासम्म माओवादी केन्द्रका भगत बडूवाल ४ हजारभन्दा बढी मतले पछि छन् ।

नागरिक उन्मुक्तिका अरुण चौधरीले १४ हजार ७०५ मत पाउँदा सम्म माओवादी केन्द्रका बडूवालले १०३९८ मत प्राप्त गरेका छन् ।कैलाली ३ मा नागरिक उन्मुक्तिका गङ्गा चौधरीसँग माओवादी केन्द्रका कृष्ण चौधरी ‘कुन्दन’ पराजित भए । गंगाले २३ हजार १२० मत ल्याए भने चौधरी १७ हजार ७४९ मा रोकिए ।

कञ्चनपुर- १ मा एमालेका तारालामा तामाङ विजयी भए । सत्ता गठबन्धनबाट उम्मेदवार बनेकी माओवादीकी बिना मगर ४९११ मतले पछाडि परिन् ।

बिज्ञापन

तामाङले २०९६९ मत प्राप्त गर्दा मगरले १६०५८ मत ल्याइन् । अघिल्लो पटक बिना १९ हजारभन्दा बढी मतान्तरका साथ विजयी बनेकी थिइन् । बैतडीमा पनि माओवादी केन्द्रका उम्मेदवार नरेन्द्र कुँवर पराजित भए । एमालेका दामोदर भण्डारीले ह्याट्रिक गर्दा कुँवर १५३१ मतले हारे ।

भण्डारीले ३३६११ मत ल्याए भने कुँवरले ३२०८० मत ल्याए ।अघिल्लो पटक वाम गठबन्धन गर्दा माओवादी केन्द्रले चार ठाउँमा लडेर तीन क्षेत्रमा विजयी जितेको थियो ।

त्यो बेला कैलाली ३ मा माओवादीबाट विजयी भएका गौरिशंकर चौधरी र लेखराज भट्ट अहिले एमालेबाट निर्वाचनमा लडेका थिए । यसपटक दुवैजना पराजित भए ।

बिज्ञापन
बिज्ञापन