ठाउँ र अवस्थाअनुसार चुनावी तालमेल मिलाएर अघि बढ्न पाँच दलीय गठबन्धनको आह्वान

काठमाडौं, २८ चैत्र । सत्तापक्षीय पाँच दलीय गठबन्धनले आगामी स्थानीय तहको निर्वाचनमा देशैभर ठाउँ र अवस्थाअनुसार चुनावी तालमेल मिलाएर चुनावमा आपसी सहकार्य र परस्पर सहयोगको भावनाले अगाडि बढ्न आह्वान गरेको छ ।

विज्ञापन

पाँच दलको तर्फबाट आज प्रधानमन्त्रीसमेत रहेका नेपाली कांग्रेसका सभापति शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) का सम्मानित नेता झलनाथ खनाल, जसपाका वरिष्ठ नेता अशोक राई र राष्ट्रिय जनमोर्चाकी उपाध्यक्ष दुर्गा पौडेलले संयुक्त अपिल जारी गरेका हुन् ।

विज्ञापन