एकैपटक प्रतितोला १८०० ले घट्यो सुनको मूल्य

काठमाडौं । सुनचाँदी बजारमा मंगलवार छापावाल सुनको मूल्य प्रतितोला १८ सयले घटेर एक लाख ५०० रूपैयाँ कायम भएको छ ।
अघिल्लो दिन प्रतितोला एक लाख दुई हजार ३०० रूपैयाँमा कारोबार भएको थियो ।
नेपाल सुनचाँदी व्यवसायी महासंघले सार्वजनिक गरेको विवरणानुसार तेजाबी सुनको मूल्य प्रतितोला एक लाख तोकिएको छ । जसको मूल्य सोमवार प्रतितोला एक लाख एक हजार ८०० थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला ३५ रूपैयाँले घटेर १३८० रूपैयाँ तोकिएको महासंघले जनाएको छ ।

विज्ञापन