जसपाको सुदूरपश्चिम अध्यक्ष माओवादी केन्द्रमा प्रवेश
बिज्ञापन
धनगढी । जनता समाजवादी पार्टी सुदूरपश्चिम प्रदेश अध्यक्ष कृष्णकुमार चौधरी माओवादी केन्द्रमा प्रवेश गरेका छन् । मंगलबार उनलाई माओवादी अध्यक्ष पुष्पकमल दाहाल प्रचण्डले पार्टीमा पुनः स्वागत गरेका हुन् ।
बिज्ञापन
बाबुराम भट्टराईले माओवादी केन्द्र छोडेर नयाँ शक्ति पार्टी गठन गर्दा उनी पनि भट्टराईसँगै नयाँ शक्तिमा गएका थिए । नयाँ शक्ति जनता समाजवादी पार्टीमा समाहित भएपछि कुन्दन सुदूरपश्चिम प्रदेश अध्यक्ष थिए ।
उनीसँगै जनता समाजवादी पार्टी सुदूरपश्चिमका अन्य नेता कार्यकर्ताहरु पनि माओवादीमा फिर्ता भएको बताइएको छ । उनी माओवादी केन्द्र कैलाली क्षेत्र नम्बर ४ बाट संविधान सभा सदस्य पनि थिए ।
उनले फेसबुकमार्फत् आज मात्रै पार्टी परित्यागको घोषणा गरेका थिए । उनले लेखेका छन् ‘आजबाट जसपा पार्टीको सम्पूर्ण जिम्मेवारीबाट राजीनामा गरेको घोषणा गर्दछु ।’
बिज्ञापन
