विधानसभा चुनावको मतगरणा अन्तिम चरणमा
भारतको कुन राज्यमा कसको सरकार बन्दै छ ?

चुनावको अन्तिम परिणाम घोषणा हुन बाँकी नै छ । तर, अहिलेसम्मको चुनावी नतिजाअनुसार चार ओटा राज्यमा भारतीय जनता पार्टीले अग्रता कायम गरेको छ ।
पन्जाबमा आम आदमी पार्टीले सरकारको नेतृत्व गर्ने निश्चित छ । उसले पन्जाबको विधानसभाको ११७ मध्ये ९२ सिटमा अग्रता कायम राखेको छ । जबकि बहुमतको लागि ५९ सिटमात्र आवश्यक हुन्छ । त्यहाँ भारतीय कांग्रेसले सत्ता गुमाउँदै छ ।

उत्तर प्रदेशमा भाजपाले ४०३ मध्ये २७० सिटमा अग्रता लिएको छ । त्यहाँ बहुमतका लागि २०२ सिट आवश्यक पर्छ । यस्तै, ७० सिट रहेको उत्तराखण्ड विधान सभामा बहुमतका लागि कम्तीमा ३५ सिट आवश्यक पर्छ । त्यहाँ भाजपाले ४८ सिटमा अग्रता कायम गरेको छ ।
यस्तै मणिपुरको ६० मध्ये ३१ सिटमा र गोआको ४० मध्ये २० सिटमा भाजपाले अग्रता कायम गरेको छ ।

विज्ञापन

यसरी पन्जाबबाहेक हाल चुनाव भएका सबै राज्यमा भाजपाको सरकार बन्ने निश्चितजस्तै छ ।