आईपीएलः गुजरातसँग पञ्जाब पराजित

मुम्बईमा शुक्रबार राति भएको खेलमा गुजरातले पन्जाब किङसलाई ६ विकेटले हराएको हो । पन्जाबले दिएको १ सय ९० रनको लक्ष्य गुजरातले २० ओभरमा ४ विकेट गुमाएर पूरा गर्यो ।

गुजरातको जितमा सुबमन गिलले ९६ रनको अर्धशतकीय इनिङ खेले । यस्तै शाइ सुधर्शनले ३५ रन जोड्दा कप्तान हार्दिक पान्डयले २७ रन बनाए ।

त्यसअघि टस हारेर ब्याटिङको निम्तो पाएको पन्जाबले २० ओभरमा ९ विकेट गुमाएर १ सय ८९ रन बनाएको थियो ।

पन्जाबका लियाम लिभिङस्टोनले ६४, शिखर धवन ३५ रन जोड्दा जितेश शर्माले २३ रन बनाए भने राहुल चाहर २२ रनमा अविजित रहे ।

जितसँगै ३ खेलमा ६ अंक जोडेको गुजरात अंक तालिकाको दोस्रो स्थानमा उक्लिएको छ । पराजित भएको पन्जाब ४ खेलमा २ अंक बनाएर छैटौं स्थानमा छ ।