आईपीएल : दिल्लीमाथि लखनउको जीत
लखनउ । इन्डियन प्रिमियर लिग (आईपीएल) मा लखनउ सुपर जाइन्ट्सले उत्कृष्ट जीत हासिल गरेको छ । २२ वर्षीय आयुष बदोनीले आफ्नो टिमका लागि छक्का प्रहार गर्दै खेल जिताए ।
लखनउले दिल्ली क्यापिटल्सलाई छ विकेटले पराजित गरेको हो ।
दिल्लीले दिएको १ सय ५० रनको लक्ष्य लखनउले १९ ओभर ४ बलमा ४ विकेट गुमाएर पूरा ग¥यो ।
लखनउको जीतमा क्विन्टन डी ककले ८० अर्धशतकीय इनिङ खेले । कप्तान केएल राहुलले २४ रन बनाए ।
कुर्नाल पान्डय अविजित १९ तथा दिपक होडाले ११ रन बनाए ।
दिल्लीका कुलदिप यादवले २ विकेट लिए ।
यसअघि पहिले ब्याटिङ गरेको दिल्लीले २० ओभरमा ३ विकेट गुमाएर १ सय ४९ रन जोडेको थियो ।
दिल्लीका लागि पृथ्वी शले ६१ रनको अर्धशतकीय इनिङ खेले । यस्तै ऋषव पन्तले अविजित ३९ र सर्फराज खानले अविजित ३६ रन बनाए ।
लखनउका रवी बिशोईले २ तथा कृष्नपा गोथामले १ विकेट लिए ।
जीतसँगै लखनउले ४ खेलमा ६ अंक जोडेको छ । लखनउ दोस्रो स्थानमा उक्लिएको छ ।
दिल्ली ३ खेलमा २ अंक जोडेर सातौं स्थानमा रहेको छ ।
