जीप दुर्घटनाबाट १ बालकको मृत्यु ,२ जना घाइते

बाजुरा जिल्लाको बुढीगंगा नगरपालिका वडा नम्बर ४ को बेलकाटया स्थानमा फलासैनीबाट आइरहेको से १ज ११८० नम्बरको जीप दुर्घटना हुँदा सोही ठाउँका अन्दाजी ४ वर्यीय बालक प्रीन्स मिजारको घटनास्थलमै मृत्यु भएको प्रहरीले जनाएको छ।

सुदुरपश्चिम प्रदेश ट्राफिक प्रहरी कार्यालयका अनुसार दुर्घटनामा २ जना घाइते भएको जनाएको छ।

यस्तै , घाइते हुनेमा बुढीगंगा नगरपालिका वडा नम्बर ४का २५ वर्यीय कमलबहादुर नेपाली र सोही ठाउँका २४ वर्यीय निरन्जन नेपाली रहेका प्रदेश ट्राफिक प्रहरी कार्यालयले बताएको छ।

अहिले उनिहरुको स्थानीय मेडिकलमा उपचार भइरहेको छ।भने जीप र चालकलाई प्रहरी चौकी बार्जुगाडाले नियन्त्रणमा लिएको बताएको छ।

जीप दुर्घटना के कारणले भएको हो भने अनुसन्धान भइरहेको छ।