लोपउन्मुख कानुङलांघाली मगरसमाजको कार्यक्रम दिल्लीमा सम्पन्न

हेमन्त अधिकारी दिल्ली
कानुङ लांघाली मगर समाज दिल्लीले आइतबार दिल्लीको मुकुन्दपुरमा एक कार्यक्रम सम्पन्न गरको छ।

भारतमा छरीएर रहेका मगर समुदायलाइ संगठित गरि समाजले लोप हुदै गएको मगर समाजको भेषभुषा, भाषा, सैली र मगरहरुको पहिचानलाइ संरक्षण गर्ने कार्य गरिरहेको छ। कोरोना लगायतका कारणले समयमा गर्ने नमिलेको २०७८ सालको देउसी भैलो समान कार्यक्रमलाइ समाजले आइतबार मनाउदै समापन गरको हो।

साथै आउदै गरेको नववर्ष २०७९को अगावै शुभकामना आदान प्रदान समेत गरीएको थियो। लोपउन्मुख अवस्थामा पुगेको मगर शैलीको कौडा संगीतलाइ समाजले रेकर्डिङ गराएको छ।

मगर समाज दिल्लीका अध्यक्ष फर्श थापा मगरको अध्यक्षतामा सम्पन्न कार्यक्रममा प्रवासी नेपाली संघ भारतका केन्द्रिय सदस्य तथा दिल्ली राज्य समिति अध्यक्ष र कानुङ लांघाली मगर समाज दिल्लीका सल्लाहकार एन.बी थापा प्रमुख आतिथ्यता रहेको थियो ।

कार्यक्रम लाई सम्बोधन गर्दै प्रमुख अतिथि थापाले आफुहरु लोपउन्मुख अवस्थामा पुगेको मगर संस्कृतिको संरक्षणमा लागेको बताए। साथै उनले कार्यक्रममा उपस्थित पाहुनाहरुलाइ सम्बोधन गर्दै धन्यवाद दिए

सिसोदिया वाटिका, मुकुन्दपुरमा आयोजित कार्यक्रममा दिल्लीमा कार्यरत दर्जनौं संघसंस्थाका प्रतिनिधि, समाजसेवी, बुद्दिजिवि, पत्रकार लगाएतको उपस्थिति रहेको थियो।