महिलामाथि करणी गरी गरगहना लुटेका २ जना पक्राउ

बझाङ । बझाङमा महिलामाथि बलात्कार गरेर गहना लुटेको आरोपमा २ जना पक्राउ परेका छन् । पक्राउ पर्नेमा भारतको पश्चिम बंगाल प्रान्त माल्दा जिल्लाका २९ वर्षीय बिजय राजवंशी र २२ वर्षीय सन्तान मुर्मु भन्ने सनातन मुर्मुलाई रहेका छन् ।

बझाङ जिल्लाको केदारस्युँ गाउँपालिका–५ मा महिलालाई जबरजस्ती करणी गरेर गरगहना लुटेको आरोपमा उहा २ जनालाइ पक्राउ गरिएको हो । दुवैजना कालङ्गा हाइड्रोपावरमा काम गर्ने कामदार रहेको बझाङका प्रमुख प्रहरी नायब उपरीक्षक ज्ञानबहादुर विष्टले बताउनु भयो ।

विज्ञापन

महिलामाथि जबरजस्ती करणी गरी ३ तोला ४ आना बराबरको गरगहना लुटेको जाहेरीका आधारमा उहाहरूलाई पक्राउ गरिएको विष्टले जानकारी दिनु भयो । पक्राउपछि दुवै जनामाथि अनुसन्धान भइरहेको प्रहरी स्रोतले जनाएको छ।