August 13, 2022

मालिका समाचार

देशकाे ऐना

नागरिकतामा जन्ममिति सच्याएकोमा दोषी ठहरिएका डीएसपी सिंहलाई ८ महिना कैद

विज्ञापन
Tikapur sana shari khanepani tatha sarsafai sansta

काठमाडौं । सरकारी कागजात सच्याएकोमा दोषी ठहर भएका डीएसपी रमेशबहादुर सिंहलाई ८ महिना कैद र १५ हजार रूपैयाँ जरिबाना भएको छ ।

विज्ञापन

विशेष अदालतले चैतमै सिंहलाई दोषी ठहर गरेपनि सजाय भने सुनाएको थिएन । हालै सार्वजनिक भएको पूर्णपाठमा सिंहलाई उक्त सजाय भएको उल्लेख छ । सिंहविरुद्ध जन्ममिति सच्याएर सेवा प्रवेश गरेको आरोप लागेको थियो ।

विशेष अदालतका न्यायाधीशहरू श्रीकान्त पौडेल, शालिग्राम कोइराला र बलभद्र बाँस्तोलाको इजलासले सिंहलाई दोषी ठहर गरेको हो । त्यसअघि अख्तियार दुरुपयोग अनुसन्धान आयोगले अदालतमा मुद्धा दर्ता गरेलगत्तै सिंह निलम्बित भएका थिए ।

२०५८ सालमा प्रहरी निरीक्षकका लागि आह्वान गरिएको विज्ञापनमा सिंहले एसएलसीको नक्कली चारित्रिक प्रमाणपत्र बनाएर त्यसै आधारमा नागरिकताको प्रतिलिपी निकालेको ठहर गर्दै विषेश अदालतले उनलाई भ्रष्टाचार निवारण ऐन, २०५९ को दफा १६ बमोजिम सजाय गरेको हो ।
उक्त दफाको उपदफा १ अनुसार अपराध गर्नेलाई ६ महिनादेखि १ वर्षसम्म कैद र १० हजारदेखि २० हजार रुपैयाँसम्म जरिबाना हुने व्यवस्था रहेको छ ।

विज्ञापन