December 1, 2022

मालिका समाचार

देशकाे ऐना

जरिवाना नतिर्ने ३८५ जनाको नाम समानुपातिकको बन्दसूचीबाट हटाउदैँ निर्वाचन आयोग

विज्ञापन
Tikapur sana shari khanepani tatha sarsafai sansta

काठमाडौं । निर्वाचन आयोगले प्रतिनिधिसभा र प्रदेशसभा सदस्यका लागि समानुपातिक उम्मेदवारको बन्दसूचीबाट ३८५ जनाको हटाउने तयारी गरेको छ । गत बैशाख ३१ गते सम्पन्न स्थानीय तहको निर्वाचनमा उम्मेदवार भएर निर्वाचन खर्चको विवरण नबुझाएर शनिबारसम्म तोकिएको जरिवान नतिर्ने ३८५ जना उम्मेदवारको नाम आयोगले हटाउने तयारी गरेको हो ।

दुवै सभाको बन्दसूचीमा नाम परेकामध्ये ४३९ जनाले समयमै निर्वाचन खर्च विवरण नबुझाएका कारण जरिवाना तिनुपर्ने सूचीमा परेका थिए । आयोगले उनीहरूलाई शनिबारसम्म जरिवाना बुझाउने समय तोकेको थियो । तोकिएको समयभित्र ५४ जनाले मात्रै जरिवाना बुझाएको आफुलाई जानकारी आएको प्रमुख निर्वाचन आयुक्त दिनेशकुमार थपलियाले बताए । उनका अनुसार बन्दसूचीमा रहेकामध्ये ३२ जनाले कात्तिक १ गतेसम्मसम्म जरिवाना बुझाइसकेका थिए ।

विज्ञापन
विज्ञापन

बुधबारदेखि शनिबारसम्म २२ जनाले मात्रै जरिवाना बुझाएको र शनिबारसम्म जरिवाना नतिर्नेको नाम बन्दसूचीबाट हटाइने थपलियाको भनाई छ । आयोगले स्थानीय तहको निर्वाचन खर्चको विवरण नबुझाउने १ लाख २३ हजार भन्दा बढी उम्मेदवारलाई डेढ लाखदेखि साढे ७ लाखसम्म जरिवाना गराउने निर्णय भदौ ३१ गते गरिसकेको छ । जरिवाना नतिर्ने व्यक्तिले ६ वर्षसम्म कुनै पनि निर्वाचनमा भाग लिन नपाउने पनि आयोगले निर्णय गरेको छ ।