मादक पदार्थ सेवन गरी कुटपिट गर्दा श्रीमतीको मृत्यु

धनकुटा कुरले तेनुपा गाउँपालिका घर भइ टोखा नगरपालिका- ८ स्थित डेरा गरी बस्ने ५५ वर्षीय निङमा शेर्पाले मादक पदार्थ सेवन गरी कुटपीट गर्दा श्रीमती मोती माया शेर्पाको शनिबार मृत्यु भएको हो ।

उनीहरूबीच मादक पदार्थ सेवन गरी एकआपसमा झै-झगडा हुँदा निङमाले कुटपिट गर्ने क्रममा मोती मायाको घटनास्थलमै मृत्यु भएको प्रहरीले जनाएको छ ।

विज्ञापन

निङमालाई शनिबार रातिनै प्रहरी वृत्त महाराजगंजबाट खटिएको प्रहरीले पक्राउ गरिसकेको छ । घटनाबारे प्रहरी थप अनुसन्धान गरिरहेको जनाएको छ।