गभर्नरमाथिको कारबाही राष्ट्र बैंकको ऐनअनुसार : मन्त्री शर्मा

अर्थ मन्त्रालयमा हिजो सोमवार पत्रकार सम्मेलन गर्दै मन्त्री शर्माले गभर्नर अधिकारीलाई सरकारले राष्ट्र बैंकको ऐन, कानुनअनुसार कारबाही गरेकाले त्यो कानुनसम्मत भएको तर्कसमेत गर्नुभयो ।

उहाँले भन्नुभयो, ‘गभर्नरलाई किन निलम्बन गरियो भन्ने बारेमा एउटा समिति बनाएका छौं । समितिले छानबिन गरेर हामीलाई प्रतिवेदन दिनेछ । त्यो प्रतिवेदनले यी सबै प्रश्नको जवाफ दिनेछ ।’

विज्ञापन

त्यस्तै अर्थमन्त्री शर्माले देश श्रीलङ्का बन्छ भन्नु अफवाह मात्रै भएको बताउनुभयो । उहाँले सरकारले चुनाव खर्च र वृद्धभत्तासमेत दिन नसक्ने भनेर गरिएको प्रचार अफवाह मात्र भएको दाबी गर्नुभयो । उहाँले सरकारले निर्वाचन तथा अन्य सबै कार्यको लागि रकम निकासासमेत गरेको स्पष्ट पार्नुभयो । अफवाह जोडेर देश श्रीलङ्का हुन्छ भन्नेतिर लैजान खोजिएको भन्दै मन्त्री शर्माले यस्तो अफवाह फैलाउनु राष्ट्रघात भएको जिकिर गर्नुभयो ।