शेरबहादुर तामाङ दम्पती फर्किए ओली पक्षमा

फागुन ८ काठमाडौ
पूर्व कानुनमन्त्री तथा नेकपाका नेता शेरबहादुर तामाङ र प्रदेश १ की सांसद उषाकला राई फेरि केपी शर्मा ओली समूहमा फर्किएका छन् ।

पशुपतिशमशेर जबरालाई लगातार दुईपटक पराजित गरेर ‘राणा शासन’ ढालेको बताउने शेरबहादुर तामाङले कानून मन्त्रालयको जिम्मेवारी पाउनु भएको थियो । तामाङ चुनावमा सिन्धुपाल्चोक-२ बाट निर्वाचित तामाङ नेकपाको केन्द्रीय सदस्य हुन् । पत्नी उषाकला राई प्रदेशसभा सदस्य हुन् । उनलाई ओली समूहले यसअघि केन्द्रीय सदस्य बनाएको छ ।

तामाङको नाम कानूनमन्त्रीमा आउनसाथ न्यायिक क्षेत्रका व्यक्तिहरु उनको प्रोफाइल खोज्न थालेका थिए । मानवशास्त्रमा पीएचडी गरिरहेका तामाङ बार काउन्सिलबाट लाइसेन्स लिएका अधिवक्ता पनि हुनुहुन्छ ।

उचित राजनीति वयवस्थापन नहुने लक्षण देखिएकोले प्रचण्ड-माधव समूहबाट दुवैजना केपी समूहमा फर्किको शेर बहादुर तामाङको पत्नी उषाकलाले बताइन् । ‘हो, हामी फर्कियौं,’ उनले भनि्न,’प्रचण्ड-माधव समूहमा सही व्यवस्थापन हुने नदेखिएपछि फर्किएका हौं ।’ नेपाल कम्युनिस्ट पार्टी (नेकपा) दुई समूहमा विभाजित भएपछि सुरुमा तामाङ दम्पती ओली समूहका बैठकमा सहभागी भए पनि केही दिनमै प्रचण्ड-माधव समूहमा फर्किएका थिए ।