चैत ६ देखि राष्ट्रिय यू–१९ महिला क्रिकेट हुने

धनगढी । यू–१९ राष्ट्रिय महिला क्रिकेट प्रतियोगिता चैत ६ गतेदेखि धनगढीमा सुरु हुने भएको छ ।
चैत ११ गतेसम्म संचालन हुने प्रतियोगितामा ७ टोली सहभागी हुने नेपाल क्रिकेट संघ (क्यान) ले जनाएको छ ।

सो प्रतियोगिता आगामी मे–जुनमा हुने आईसीसी यू–१९ महिला एसिया कप छनोटका लागि खेलाडी छनोट गर्ने प्रतियोगिताको रुपमा समेत रहेको छ ।

प्रतियोगितामा सुदुरपश्चिम प्रदेश, कर्णाली प्रदेश,लुम्बिनी प्रदेश, बागमती प्रदेश, मधेश प्रदेश, गण्डकी प्रदेश र प्रदेश १ को सहभागिता रहेको छ ।

सहभागी टोलीलाई दुई समूहमा विभाजन गरिएको छ । समूहको शीर्ष दुई टोलीले उपाधिका लागि खेल्ने छन् ।

प्रतियोगिताको उद्घाटन खेलमा सुदुरपश्चिम प्रदेश र कर्णाली प्रदेशबीच प्रतिस्पर्धा हुनेछ ।