स्याङ्जा जिप दुर्घटना : घाइतेमध्ये पाँचजनाको मृत्यु

स्याङ्जा । स्याङ्जाको वालिङमा भएको जिप दुर्घटनामा पाँचजनाको मृत्यु भएको छ । बिहान १० बजे डाँडाखर्कबाट वालिङतर्फ आउँदै गरेको ग.१.च ६३९९ नम्बरको जिप दुर्घटना हुँदा ६ जना घाइते भएका थिए ।

विज्ञापन

दुर्घटनापछि घाइतेहरूलाई उपचारका लागि गण्डकी मेडिकल कलेज लगिएको थियो। उपचारका क्रममा पाँचजनाको मृत्यु भएको जिल्ला प्रहरी कार्यालय स्याङ्जाले जनाएको छ ।

प्रहरीका अनुसार दुर्घटनामा मृत्यु हुनेमा तीन महिला, एक पुरुष र एक बालक रहेका छन्। अस्पताल पुरयाएपछि उनीहरूको मृत्यु भएको बताइएको छ। जिप सडकबाट दुई सय मिटर तल खसेको थियो। जिपमा ११ जना सवार थिए ।

विज्ञापन