समानुपातिकतर्फ एमालेले कटायो १७ लाख मत, कुन दलको कति ?
काठमाडौं । मंसिर ४ गते सम्पन्न प्रतिनिधि र प्रदेशसभा निर्वाचनको प्रत्यक्ष र समानुपातिकतर्फको मतपरिणाम आउनेक्रम जारी छ ।
शनिबार बिहान ६ बजेसम्मको प्रतिनिधिसभा समानुपातिकतर्फको नतिजाअनुसार नेकपा (एमाले) पहिलो स्थानमा छ । एमालेले १७ लाख ४५ हजार ८१२ मत पाएको छ ।
यस्तै, दोस्रो स्थानमा रहेको नेपाली कांग्रेसले १६ लाख ७३ हजार ६५ मत पाएको छ । तेस्रो स्थानमा रहेको राष्ट्रिय स्वतन्त्र पार्टी ७ लाख ५७ हजार ४९७ मत प्राप्त गरेको छ ।
चौथो स्थानमा रहेको नेकपा माओवादीले केन्द्रले ७ लाख ३७ हजार ८५५ मत प्राप्त गर्दा पाँचौँ स्थानमा रहँदै राप्रपाले ३ लाख ८९ हजार ४४२ मत पाएको छ ।
यस्तै, छैटौँ स्थानको जसपाले २ लाख ६ हजार ८५२, सातौँ स्थानको नेकपा (एस)ले १ लाख ५२ हजार ३६५, नागरिक उन्मुक्ति पार्टीले १ लाख ३७ हजार ३०६, लोसपाले ८१ हजार ४४३ तथा नेमकिपाले ६० हजार ४०६ मत पाएको छ ।
हाम्रो नेपाली पार्टीले ४० हजार १७२ मत प्राप्त गर्दा राष्ट्रिय जनमोर्चाले ३७ हजार २३ मत प्राप्त गरेको छ ।
