फिफा विश्वकप छनोटमा ब्राजिलको फराकिलो जित

एजेन्सी । फिफा विश्वकप छनोटमा ब्राजिलले फराकिलो जित निकालेको छ ।

दक्षिण अमेरिकी छनोट अन्तर्गत शुक्रबार बिहान भएको खेलमा ब्राजिलले चिलीलाई ४–० गोल अन्तरले हराएको हो । ब्राजिलको जितमा नेयमार, भिनिएस जुनियर, फिलिपे कौटिन्हो र रिचार्लीसनले एक एक गोल गरे ।

यस जितसँगै ब्राजिलले १६ खेलमा ४२ अंक जोडेको छ । ब्राजिल शीर्ष स्थानमा रहेको छ भने चिली १९ अंक जोडेर सातौं स्थानमा रहेको छ ।