यी प्रदेशका १–२ स्थानमा हल्का वर्षाको सम्भावना
हाल देशमा पश्चिमी वायुको सामान्य प्रभाव रहेको छ ।
मौसमी प्रणालीको प्रभावले प्रदेश १, बागमती र गण्डकी प्रदेशका १–२ स्थानमा हल्का वर्षाको सम्भावना रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
महाशाखाका अनुसार अहिले देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ । दिउँसो प्रदेश १, बागमती र गण्डकी प्रदेशका भू–भागमा आंशिक बदली रही १–२ स्थानमा हल्का वर्षाको सम्भावना रहेको महाशाखाले जारी गरेको मौसम पूर्वानुमान बुलेटिनमा उल्लेख छ । रातिको समयमा पनि सोही मौसमी प्रणाली कायम रहनेछ ।
बिहीवार काठमाडौं उपत्यकाका आकाश बिहानैदेखि सामान्य बदली रहेको छ ।
शुक्रवार पनि प्रदेश १, बागमती र गण्डकी प्रदेशका १–२ स्थानमा हल्का वर्षाको सम्भावना छ । बिहीवार काठमाडौंको अधिकतम तापक्रम ११ र न्यूनतम तापक्रम २५ डिग्री सेल्सियस छ ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।