एमाले जहाँ पुग्छ त्यहाँ विकास गर्छ : अध्यक्ष ओली
२२ कात्तिक, झापा । नेकपा एमालेका अध्यक्ष केपी शर्मा ओलीले राष्ट्रिय राजनीतिमा एमालेले खेलेको भूमिका असाधारण रहेको बताउनुभएको छ । गृह जिल्ला झापाको शनिश्चरेस्थित सालबारीमा आयोजित चुनावी सभालाई सम्बोधन गर्दै अध्यक्ष ओलीले भन्नुभयो, ‘विचारको हिसाबले, संगठनको हिसाबले, कामको हिसाबले, कार्यक्षमताको हिसाबले, अनेक एमाले देशको प्रमुख पार्टी हो ।
एमाले जहाँ पुग्यो त्यहिँ विकास हुने उहाँले बताउनुभयो । अध्यक्ष ओलीले भन्नुभयो, एमाले जहाँ पुग्छ त्यहाँ विकास गर्छ, महत्वपूर्ण काम गर्छ, जहाँ टेक्छ त्यस ठाउँलाई परिवर्तन गर्छ भन्ने कुरा यस ठाउँले पनि बताएको छ, यहाँको विकासले पनि बताएको छ ।
जंगल नफाँडेर पनि जंगलको संरक्षण गर्दै सुखानी सहिद स्मृति पार्क, नजिकै पोखरीलगायत संरचना बनाइएको उहाँले बताउनुभयो । शहिदहरु नेत्र घिमिरे, रामनाथ दाहाल, वीरेन राजवंशी, नारायण श्रेष्ठ र कृष्ण कुइँकेलको शालिक निर्माण भएको यस क्षेत्र पवित्र भूमि रहेको पनि अध्यक्ष ओलीले बताउनुभयो ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।