प्रधानमन्त्रीलाई मारौँ भन्ने काँग्रेस नेता पक्राउ
भारतीय प्रधानमन्त्री नरेन्द्र मोदीलाई ‘मार्न तयार हुनुहोस्’ भनेर विवादास्पद आग्रह गरेको आरोपमा मध्य प्रदेश काँग्रेसका नेता राजा पटेरिया पक्राउ परेका छन् । हिजो सार्वजनिक एक भिडियोमा उनले संविधानको रक्षाका लागि प्रधानमन्त्री मोदीको हत्या गर्न मानिसहरुको एउटा समूहलाई उचालेको आरोप लागेको छ ।
भाइरल भिडियोमा पटेरियाले पार्टी कार्यकर्ताहरूलाई भनेका छन्, ‘मोदीले चुनाव अन्त्य गर्नेछन्, उनले धर्म, जात, भाषाको आधारमा विभाजन गर्नेछन्, दलित,आदिवासी र अल्पसंख्यकको जीवन खतरामा छ । संविधान बचाउनको निम्ति मोदीलाई मार्न तयार हुनुहोस् ।’
उनको टिप्पणीपछि मध्य प्रदेश सरकारले पूर्वराज्यमन्त्री पटेरियाविरुध्द मुद्दा चलाउन प्रहरीलाई आदेश दिएको छ । पटेरियाविरुद्ध हिजो दिउँसो पन्नाको पवई थानामा मुद्दा दर्ता गरिएको छ ।
मध्य प्रदेशका मुख्यमन्त्री शिवराज सिंह चौहानले उक्त टिप्पणीको निन्दा गरेका छन् । उनले काँग्रेस नेता राहुल गान्धीको पनि विरोध गरेका छन् । ‘भारत जोडो यात्राको नाटक गर्नेहरूको वास्तविक अनुहार बाहिर आउँदैछ’, उनले भने ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।