सुदूरपश्चिम सरकारमा तीन दलको दावी, कसले पाउला मुख्यमन्त्री ?
बिज्ञापन
काठमाडौं । सुदूरपश्चिम प्रदेशमा नयाँ सरकारका लागि तीन दलले दावी प्रस्तुत गरेका छन् । सत्तारुढ गठबन्धनमा आबद्ध नेपाली कांग्रेस, नेकपा माओवादी केन्द्र र नेकपा एकीकृत समाजवादीले मुख्यमन्त्री पदका लागि दाबी प्रस्तुत गरेका हुन् ।
बिज्ञापन
प्रदेशसभामा सत्ता गठबन्धनले सरकार बनाउन चाहेमा सहजै सरकार बनाउन सक्ने अवस्था छ । तर, गठबन्धनभित्र प्रदेश सरकारको नेतृत्व कसले गर्ने भन्ने अन्योल बढेपछि माओवादी, कांग्रेस र एकीकृत समाजवादीले दावी पेश गरेका हुन् ।
संसदको सबैभन्दा ठूलो दल नेपाली कांग्रेस सुदूरपश्चिम प्रदेश सरकारको नेतृत्व गर्ने दाउमा छ । विगतमा माओवादी केन्द्रले पाँच वर्ष पूर्ण कार्यकाल प्रदेश सरकारको नेतृत्व गरेकाले अब आफूले नेतृत्व गर्न पाउनुपर्ने अडानमा कांग्रेस छ ।
बिज्ञापन
