विश्वकप २०२६ : तीन देशमा खेलाइने, ४८ टीम सहभागी हुने
काठमाडौं । सन् २०२६ को फिफा विश्वकप फुटबल ४८ देशको सहभागितामा आयोजना हुने भएको छ ।
अमेरिका, क्यानडा र मेक्सिकोले संयुक्त रूपमा आयोजना गर्ने विश्वकपमा ४८ राष्ट्रको सहभागिता रहने रुवान्डामा फिफा काउन्सिल बैठकले निर्णय गरेको हो ।
विश्वकपमा यसअघि ३२ राष्ट्रको सहभागिता रहँदै आएको थियो । विश्वकप २०२६मा ४८ टीमलाई १२ समूहमा विभाजन गरिनेछ । हरेक समूहमा ४ टीम हुने छन् ।
समूहको शीर्ष दुई टीमले नकआउट चरणमा स्थान बनाउने छन् । यस्तै, तेस्रो हुने उत्कृष्ट ८ टिमले पनि नकआउट चरणमा स्थान बनाउने छन् ।
अमेरिका, क्यानाडा र मेक्सिकोको १६ शहरमा आयोजना हुने २०२६ को विश्वकपमा कुल १०४ खेल हुनेछन् । जहाँ १६ युरोपियन राष्ट्र प्रतिस्पर्धामा उत्रने छन् ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।