पठाओ र इनड्राइभका ‘अफलाइन राइडर’ माथि प्रहरी निगरानी, एकैदिन ८३ जना पक्राउ
काठमाडौं । अफलाइन ड्राइभ गर्ने ८३ जना राइडरहरु पक्राउ परेका छन् । पठाओ र इनड्राइभरको नाममा अफलाइन ड्राइभ गर्ने ८३ जना राइडरहरुलाई प्रहरीले पक्राउ गरेको हो ।
उनीहरुलाई आइतबार काठमाडौंको विभिन्न ठाउँबाट पक्राउ गरिएको जिल्ला प्रहरी परिसरका प्रवक्ता कुमोद ढुंगेलले बताए ।
काठमाडौंका विभिन्न स्थानहरुबाट अनाधिकृत तवरले सर्वसाधारणहरुलाई ओसारपसार गर्ने कृयाकलापमा संलग्न राइडरहरुलाई नियन्त्रणमा लिई आवश्यक कारबाही गरिएको बताए ।
उनका अनुसार विगतका केही आपराधिक घटनाहरुमा यस्ता सवारीहरुको संलग्नता देखिएको र सुरक्षा संवेदनशीलताको दृष्टिबाट सदैव जोखिम सृजना हुने भएको कारणले अफलाइन राइडरहरुलाई कारबाही गरिएको हो ।
पछिल्लो समय अफलाइन सवारी सुरक्षित नहुने भन्दै ध्यानाकषर्ण गराउँदै आएको छ ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।