बाबर आजमले दिए पाकिस्तान क्रिकेटको कप्तानबाट राजीनामा
बिज्ञापन
एजेन्सी । पाकिस्तान क्रिकेट टिमका कप्तान बाबर आजमले पदबाट राजीनामा दिएका छन् ।
बिज्ञापन
२०१९ मा पाकिस्तानी क्रिकेट टिमको कप्तानी सम्हालेका आजामले बुधबार सामाजिक सञ्जालमार्फत् आफूले पाकिस्तानको टेस्ट, एकदिवसीय र टी–२० टिमको कप्तान पद त्यागेको घोषणा गरेका हुन् ।
भारतमा जारी एकदिवसीय विश्वकपमा पाकिस्तानको खराब प्रदर्शन पछि कतिपय आलोचकले उनको राजीनामा मागेका थिए ।
विश्वकपको सेमिफाइनल पुग्न नसकेको पाकिस्तानले समूह चरणमा ९ खेल मध्ये ४ खेलमा मात्र जित निकालेको थियो ।
बाबरले विश्वकपमा नौ खेलमा ३२० रन बनाएका थिए । पाकिस्तानका लागि तेस्रो उच्च रन बनाएका उनको ४० को औसत र ८२.९० को स्ट्राइक रेट थियो ।
बिज्ञापन
