भैँसीसँग ठोक्किदा मोटरसाइकल चालकको मृत्यु
बिज्ञापन
दमक – झापामा भैँसीसँग मोटरसाइकल ठोक्किँदा एक जनाको मृत्यु भएको छ ।
बिज्ञापन
झापाको कमल गाउँपालिका–३, सहिदगेट नजिक को २१प ७७ नम्बरको मोटरसाइकल भैँसीसँग ठोक्किँदा मोटरसाइकल चालक मोरङको सुन्दरहरैचा नगरपालिका–४ का ३१ वर्षीय मदनबहादुर लायमगरको मृत्यु भएको हो । तीव्र गतिको मोटरसाइकल अनियन्त्रित हुँदा भैँसीसँग ठोक्किन पुगेको थियो ।
दुर्घटनामा परी मोटरसाइकलमा सवार सुनसरीको इटहरी–४ का ३० वर्षीय अभिषेक चौधरी घाइते भएका छन् । उनको बिर्तामोडस्थित बीएण्डसी अस्पतालमा उपचार भइरहेको प्रहरी नायब उपरीक्षक खगेन्द्र रिजालले जानकारी दिए ।
बिज्ञापन
