इराकको एक भवनमा आगलागी हुँदा १४ जनाको मृत्यु
बिज्ञापन
बगदाद । इराकको अर्ध–स्वायत्त कुर्दिस्तान क्षेत्रमा एर्बिल प्रान्तको सोरान सहरस्थित एक आवासीय भवनमा शुक्रबार राति आगलागी हुँदा १४ जनाको मृत्यु र १८ जना घाइते भएका छन् ।
बिज्ञापन
सोरान स्वास्थ्य विभागले एका विज्ञप्ति जारी गर्दै भवनमा आगो लागेको जानकारी दिएको हो । ‘सबैभन्दा पहिला भवनको तेस्रो र चौथो तलामा आगो लागेको थियो, ती तलामा विश्वविद्यालयका छात्र र शिक्षक बस्छन् । त्यसपछि आगो सम्पूर्ण पाँच तले भवनमा फैलियो ।’ मन्त्रालयद्वारा जारी विज्ञप्तिमा भनिएको छ ।
प्रारम्भिक अनुसन्धानबाट विद्युतीय सर्ट हुँदा आगो लागेको अनुमान गरिएको विज्ञप्तिमा उल्लेख छ । सिभिल डिफेन्स टिम र दमकलहरूले आगो निभाएका छन् ।
बिज्ञापन
