त्रिशुलीमा खसेको जिप निकालियो, भेटिएन मान्छे
बिज्ञापन
चितवन । त्रिशुली नदीमा खसेको भारतीय जिप निकालिएको छ । जिप भेटिएपनि मान्छे भने फेला परेको छैन । मंगलबार बिहानै त्रिशूली नदीमा गाडी खसेको स्थानीयले खबर गरेपछि खोजी गरिएको थियो ।
बिज्ञापन
चितवनका डिएसपी श्रीराम भण्डारीका अनुसार नदीबाट भारतीय नम्बर प्लेटको जिप निकालिएको हो । नारायणगढ–मुग्लिङ सडकखण्डअन्तर्गत इच्छाकामना गाउँपालिका–५ स्थित तीन नम्बर पुल नजिकबाट बी आर ०९ जीसी १४३० नम्बरको सिंगल क्याबिन भएको सेतो रङको बोलेरो प्रहरीले नदीबाट निकालेको छ । तर, जीपका चालक वा यात्रु भने भेटिएका छैनन् ।
जिपमा कति मान्छे थिए वा थिएनन् भन्नेबारे यकिन गर्न नभएको डिएसपी भण्डारीले बताए ।
जिप त्रिशूली नदीमा खसेको सूचना पाएपछि विपद् व्यवस्थापन तालिम शिक्षालय कुरिनटारको गोताखोरको टोली त्यहाँ पुगेको थियो ।
बिज्ञापन
