आज यी स्थानमा हावाहुरी र वर्षा
काठमाडौं : आज दिउँसो कर्णाली र सुदूरपश्चिम प्रदेश लगायत देशको पहाडी भू-भागका केही ठाउँमा तथा बाँकी भू-भागको एक-दुई ठाउँमा मेघ गर्जन/चट्याङ्गसहित सामान्य वर्षा हुने मौसम पूर्वानुमान महाशाखाले जनाएको छ। महाशाखाका अनुसार लुम्बिनी प्रदेशका तराई भू-भागका केही ठाउँमा भने हावाहुरी आउने छ।
आज राती कोशी, बागमती, गण्डकी र कर्णाली प्रदेशका पहाडी भू-भागका एक-दुई स्थानमा सामान्य वर्षा हुने महाशाखाको बुलेटिनमा उल्लेख छ।
बिहीवार पनि कोशी र बागमती प्रदेशका केही पहाडी ठाउँमा सामान्य वर्षा भए पनि धेरै ठूलो पानी भने पर्ने छैन।
हावाहुरी र ठूलो पानी आउने सम्भावना भएका ठाउँहरुमा रहने मानिसहरुलाई सम्भावित संकटबाट बच्न सतर्कता अपनाउन महाशाखाले अनुरोध गरेको छ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।