अब मोबाइल नम्बर बिना पनि व्हाट्सएप चलाउन सकिने
काठमाडाैं । व्हाट्सएप प्रयोगकर्ताका लागि अब एक नयाँ खुसीको खबर आएको छ। अब तपाईंले कसैसँग च्याट गर्नका लागि आफ्नो मोबाइल नम्बर सेयर गर्नुपर्ने जरुरी नपर्न सक्छ।
व्हाट्सएप हाल नयाँ यूजरनेम फिचर परीक्षणको चरणमा ल्याउँदैछ। यस फिचरअन्तर्गत प्रयोगकर्ताले आफ्नो मोबाइल नम्बर नदेखाइ, केवल यूजरनेममार्फत च्याट गर्न सक्नेछन्। यसले प्रयोगकर्ताको गोपनीयता अझ बलियो बनाउनेछ।
कस्तो हुनेछ यो फिचर?
– प्रत्येक प्रयोगकर्ताले एक यूजरनेम बनाउनुपर्नेछ।
– यूजरनेममा कम्तिमा एउटा अक्षर अनिवार्य हुनेछ।
– “डब्ल्यूडब्ल्यूडब्ल्यू” बाट सुरु हुने यूजरनेम बनाउन पाइने छैन।
– साना अक्षर, नम्बर, अन्डरस्कोर (_) र डट (.) मात्र प्रयोग गर्न मिल्नेछ।
थप सुरक्षा कभर
यूजरनेमसँगै, प्रयोगकर्ताले सुरक्षा कोड पनि सेट गर्न सक्नेछन्। यसले गर्दा कोही पनि तपाईंलाई तबसम्म सिधै सन्देश पठाउन सक्दैन, जबसम्म उसले त्यो कोड नहल्दिन्छ।
कहिले आउँछ यो फिचर?
हाल यो फिचर परीक्षण चरणमा छ र चाँडै नै सबै प्रयोगकर्ताका लागि उपलब्ध हुने अपेक्षा गरिएको छ। यो फिचर सार्वजनिक भएपछि व्हाट्सएप प्रयोग गर्ने तरिका नै परिवर्तन हुनेछ, जहाँ मोबाइल नम्बरको झन्झट बिना च्याट गर्न सकिनेछ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।