स्रोत नखुलेको २५ लाख नगदसहित एक जना भारतीय नागरिक कञ्चनपुरबाट पक्राउ
कञ्चनपुर। स्रोत नखुलेको २५ लाख नगदसहित एक जना भारतीय नागरिक कञ्चनपुरबाट पक्राउ परेका छन् । भीमदत्त नगरपालिका ९ ब्रम्हदेवबाट भारत उत्तराखण्डको चम्पावत जिल्लास्थित टनकपुरका स्थानीय अभिशेक गुप्ता १२ लाख ७४ हजार २२० भारु र ५ लाख १३ हजार नेपाली रुपैयाँसहित पक्राउ परेका हुन् ।
सशस्त्र प्रहरीको ब्रम्हदेवस्थित बिओपीले मंगलबार साँझ उक्त रकम बरामद गरेको हो । सशस्त्र प्रहरीको झलारीस्थित ३५ नम्बर गणका एसपी खगेन्द्रबहादुर चन्दले सो रकमको स्रोत खुलाउन नसकेपछि बरामद गरेर राजश्व अनुसन्धान विभागमा पठाइएको बताए । बरामद गरिएको रकम, भारतीय नम्बरको स्कुटर र भारतीय नागरिकलाई कोहलपुरमा रहेको राजश्व अनुसन्धान विभाग पठाइएको उनले बताए ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।