August 18, 2022

मालिका समाचार

देशकाे ऐना

टिपरले मोटरसाइकललाई ठक्कर दिँदा दुईको मृत्यु

विज्ञापन
Tikapur sana shari khanepani tatha sarsafai sansta

माघ ,१२

विज्ञापन

महोत्तरीस्थितमा टिपरले मोटरसाइकललाई ठक्कर दिँदा दुई जनाको घटनास्थलमै मृत्यु भएको छ ।

टिपरको ठक्करले मोटरसाइकलमा सवार बालुवा नगरपालिका-९ का १८ वर्षीय प्रमोद राम चमार र पछाडि बसेका औरही नगरपालिका-४का १५ वर्षीय गुड्डु नदाफको मृत्यु भएको प्रहरीले जानकारी दिएको छ।

जिल्ला प्रहरी कार्यालय महोत्तरीका अनुसार सोमबार बिहान ना८ख ९८० नम्बरको टिपरले ज६प १४०९ नम्बरको मोटरसाइकललाई ठक्कर दिइएको हो ।

बिहान ९ बजे सम्सीबाट गौशालातर्फ गइरहेको टिपरले विपरीत दिशाबाट आउँदै गरेको मोटरसाइकललाई ठक्कर दिएको हो।

औरही नगरपालिका-४ स्थित सडकमा टिपरले ठक्कर दिँदा उनीहरूको घटनास्थलमै मृत्यु भएको प्रहरी नायब उपरीक्षक प्रकाश विष्टले बताए।

यो पूर्व-पश्चिम राजमार्गसँग जोडिएको भित्री सडक हो। घटनास्थलबाट शव उठ्न सकेको छैन ।

स्थानीयले सडक अवरुद्ध पारेर आन्दोलन गर्न थालेपछि शव र टिपर सडकमै रहेको विष्टले बताए। टिपर चालकलाई प्रहरीले नियन्त्रणमा लिएको छ।

विज्ञापन