कोरोना जोखिम : नेपालमा देखियो ओमिक्रोनको सवभेरियन्ट ‘एक्सबीबी’
काठमाडौं । नेपालमा पहिलो पटक कोभिड-१९ ओमिक्रोनको सवभेरियन्ट ‘एक्सबीबी’ भेटिएको छ ।
देशका विभिन्न भागबाट साउन २१ देखि असोज १४ सम्म संकलित नमूनाको राष्ट्रिय जनस्वास्थ्य प्रयोगशालामा छनौट गरी केही नमूनाहरुको जिनोमिक पहिचान गर्दा एक्सबीबी पहिचान भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार सो भेरियन्ट हाल विभिन्न देशमा फैलिरहेको छ । कोभिड-१९ को संक्रमण बढेको देखिएको छ । दिपावली तथा छठ जस्ता चाडपर्वको समयमा जमघट बढी हुन्छ ।
यस्तो बेला कोभिड-१९ तीव्र गतिमा फैलिने सम्भावना उच्च रहेकाले जनस्वास्थ्यका मापदण्ड पालना गर्न मन्त्रालयले अनुरोध गरेको छ ।
डिजाइन प्रतिलिपि अधिकार © २०८२ मलिका समाचार
यस विज्ञापन डिजाइनको प्रतिलिपि अधिकार © २०८२ मलिका समाचारद्वारा सुरक्षित छ। नेपालको प्रतिलिपि अधिकार ऐन, २०५९ अनुसार यसको अनाधिकृत पुनरुत्पादन, वितरण, प्रदर्शन वा प्रसारण कडाईका साथ निषेध गरिएको छ।