बर्दीमा टिकटक बनाउने २०८ प्रहरी कारबाहीमा
बिज्ञापन
काठमाडौं । नेपाल प्रहरीको पोसाक लगाएर टिकटक भिडियो् बनाउने २०८ जना प्रहरी कर्मचारी कारबाहीमा परेका छन् ।
बिज्ञापन
प्रहरी प्रधान कार्यालयले २०७७ सालदेखि चालु आर्थिक वर्षको असार २२ गतेसम्म बर्दी लगाएर भिडिओ बनाउने र सामाजिक सञ्जालमा राख्ने २०८ कर्मचारीलाई कारबाही गरेको हो ।
डिआइजी एवम् प्रहरी प्रवक्ता कुबेर कडायतका अनुसार २०७७/७८ मा ८२ जना, २०७८/७९ मा ३० जना र २०७९÷८० मा ९६ जना प्रहरी कारबाहीमा परेका हुन् ।
२०७७ असोज २२ गते प्रहरी प्रधान कार्यालयले अनुमति नलिई भिडिओ, चलचित्र, टेलिचलचित्र, टिकटक भिडिओ बनाएको पाइएमा कारवाही गर्ने चेतावनी दिएको थियो ।
तर, तीन वर्षसम्म पनि सामाजिक सञ्जालमा प्रहरी पोसाकको दुरूपयोग नरोकिएपछि हेडक्वार्टरले कारबाही थालेको हो ।
बिज्ञापन
