रास्वपामा अहिले जोडिनु भनेको उम्मेदवार बनिहाल्नु होइन: रवि लामिछाने
काठमाडौं । राष्ट्रिय स्वतन्त्र पार्टी रास्वपा)का सभापति रवि लामिछानेले रास्वपामा जोडिने वित्तिकै २०८४को लागि उम्मेदवार बनिनहाल्ने बताएका छन् । रास्वपा सिन्धुली(काठमाडौं सम्पर्क विभागको कार्यक्रममा संम्बोधन गर्दै उनले बताएका हुन् ।
रास्वपामा अहिले जोडिनु भनेको उम्मेदवार बनिहाल्नु नभएको उनले बताए । उनले असल साथीहरुलाई पार्टीमा जोड्ने अभियानलाई मिसन २०८४ भनिएको समेत प्रष्ट पारे ।
लामिछानेले विभिन्न घटनाहरुलाई लिएर पार्टीप्रति औला उठाएको भन्दै इमान्दारीपूर्वक पार्टीमा सहभागी हुन आग्रह गरे ।
उनले भने, ‘ विभिन्न घटनालाई लिएर पार्टीप्रति प्रश्न उठेको छ । यो समाजले जन्माएर हुर्काएर ल्याएको मानिसहो । मानिसहरुले कुन राजनीतिक संस्कार सिक्यो हामी भन्न सक्दैनौं । त्यही राजनीतिक संस्कारबाट आएका पुराना नयाँ साथीहरुबाट यस्ता किसिकमा क्रियाकलाप हुन सक्लान् । तरखबरदार हामीलाई जानकारी पाउनेवितिकै घटनाको समाचार छापिनुअघि कारबाही भइसकेको हुनेछ । पार्टीलाई यसमा प्रष्ट निर्देशन छ । पार्टीसँग खराब हृदय भएका मानिसहरु फाल्न सक्ने तागत छ । पार्टीमा को आउनुहुन्छ को आउनुहुन्छ त्यो भन्न सक्दिन यो एउटा भेल हो । यहाँ धेरै मानिसहरु आउन सक्छन् र खराब पात्रहरु आउन सक्छन् असल पात्रहरु पनि आउन सक्छन् । हामीलाई २०८४ सालसम्म हेर यिनीहरुको यो पनि घटना त्यो पनि घटना त्यहाँ कुटाकुट भयो मारामार भयो भन्ने घटनाहरु ल्याएर उनीहरु उस्तै हुन भन्ने भाष्य सिर्जना गर्न खोजिदैछ । त्यसका लागि चनाखो हुनुपर्नेछ । ’
लामिछानेले याे देशकाे सुन्दर फाेटाे खिच्ने सपना साँचेर हिड्का पार्टीबीच एउटा तस्बिर खिच्न छुटेछ भने तछाडमछाड नगर्न अपील गरे ।
